कांग्रेस नेता विश्वकर्मा भेन्टिलेटरमा, अवस्था गम्भीर

फाइल तस्वीर

काठमाडौंः कोभिड–१९ संक्रमित नेपाली कांग्रेसका नेता तथा पूर्वमन्त्री मीन विश्वकर्मालाई भेन्टिलेटरमा राखिएको छ । ५४ वर्षीय विश्वकर्मालाई कार्तिक १ मा कोभिड पोजेटिभ देखिएको थियो ।

एक हप्तासम्म उनी होम आइसोलेसनमा बसेका थिए । स्वास्थ्यमा थप समस्या आएपछि उनी कार्तिक ९ गते वीर अस्पताल भर्ना भएका थिए । वीरबाट १२ गते उनलाई ग्राण्डी अस्पताल लगिएको थियो ।

आईसीयूमा उपचारत विश्वकर्मालाई शनिबार भेन्टिलेटरमा सारिएको ग्राण्डी अस्पतालका एक चिकित्सकले जानकारी दिए । चिकित्सकका अनुसार उनको स्वास्थ्य अवस्था निकै नै गम्भीर बन्दै गइरहेको छ ।