सर्वोच्चले दर्ता गर्‍यो स्वास्थ्यमन्त्रीविरूद्धको निवेदन

फाइल तस्वीर

काठमाडौं : स्वास्थ्यमन्त्री भानुभक्त ढकालविरुद्धको अवहेलना मुद्धा सर्वोच्च अदालतले दर्ता गरेको छ । हिजो पेश भएको निवेदनबाट प्रधानमन्त्री केपी शर्मा ओलीको नाम हटाउन लगाएर आज मात्रै निवेदन दर्ता गरेको हो। 

कोरोनाको सबै उपचार सेवा निःशुल्क गर्न सर्वोच्च अदालतले दिएको परमादेश कार्यान्वयन नगरी अदालतको अवहेलना गरेको भन्दै आइतबार अधिवक्ता लोकेन्द्र वली र केशरजंग केसीले प्रधानमन्त्री ओली र स्वास्थ्यमन्त्री ढकालविरूद्ध अवहेलनाको निवेदन सर्वोच्चमा पेश गरेका थिए। 
असोज १५ गते सर्वोच्च अदालतले सरकारी निकायबाट कोरोना उपचार गर्दा शुल्क नलिन आदेश गरेको थियो। सरकारले भने असोज १९ गते नै कोरोनाको उपचार गर्दा शुल्क लिने निर्णय गरेको थियो। 

सर्वोच्चको फैसला विपरीत उपचारमा शुल्क लिने सरकारको निर्णय सरासर सर्वोच्च अदालतको फैसलाको उल्लंघन र अनादर भएको भन्दै आफूहरूले निवेदन दर्ता गरेको निवेदकमध्येका एक ओलीले बताए । 

न्याय प्रशासन ऐनमा अवहेलनाको आरोप प्रमाणित भए एक वर्ष कैद वा १० हजार जरिवाना वा दुवै सजाय हुने व्यवस्था छ ।