श्रीमानको निधनलगत्तै श्रीमती पनि रहिनन्

जनकपुरधाम : धनुषामा एक वृद्ध दम्पतिको ५ मिनेटको अन्तरालमा मृत्यु भएको छ । सहिदनगरपालिका-१ कुम्भकर्ण टोलमा पति ९१ वर्षीय रामखेलावन यादवको मृत्यु भएको पाँच मिनेटपछि उनकी श्रीमती ८८ वर्षीया सुमिन्त्रादेवी यादवको मृत्यु भएको हो ।

स्थानीयका अनुसार रामखेलावनको सोमबार बिहान ७:४५ बजे मृत्यु भएपछि ७:५० बजे सुमिन्त्रादेवी यादवको मृत्यु भएको हो । छिमेकी नरेश यादवका अनुसार बिहान उठेर नित्य कर्म गरेसँगै रामखेलान पत्नीसँगै चिया खाएपछि त्यसको केही बेरमै उनको छाती दुखेको थियो । छोरा उपेन्द्र यादव पसलबाट औषधि लिएर आउने बितिकै ७ बजेर ४५ मिनेटमा रामखेलानको मृत्यु भयो ।

मृतक दम्पत्ति दुवैको एउटै चितामा अन्त्यष्टि सोमबार दिउँसो गरिएको छ ।