‘सानी’ गजलमा नौलो प्रयोग, बाचन र भिडियो कथा सँगसँगै !

काठमाडौँ : गजल युवा पूस्ताको रोजाईको साहित्यिक विधा हो । सामान्यतया बाचन गरेर अरुबाट वाहीवाही पाउने गजल विधा गायनतर्फ पनि त्यत्तिकै रुचाइन्छ । तर गजल बाचन गर्दै भिडियो कथा प्रस्तुत गर्ने नयाँ शैली पनि युवाहरुले पछ्याएका छन् ।

त्यसमध्येका एक हुन्, विशाल तिमल्सिना । उनले गजल बाचन गर्दै त्यसलाई भिडियो कथामा पनि देखाउने प्रयास गरेका छन् । प्रेम रसको गजललाई उनले बाचन गर्दै भिडियो कथामा प्रस्तुत गरेका छन् । भिडियो कथामा गजलमा प्रयोग भएका बिम्ब र भावअनुसार अभिनय पनि देखिन्छ । जसले दर्शकलाई बाध्न सक्छ । 

विशाल आफैले बाचन गरेको गजलमा एलिशा आचार्यसँग भिडियोमा पनि देखिएका छन् । गजल बाचन गर्दै जाँदा संगीतले यसलाई पृथक बनाउने प्रयास छ । समुल तामाङले संगीत भर्दा ‘सानी’ शीर्षकको गजललाई पवन भुजलले भिडियो कथा निर्देशन गरेका हुन् । जो युवा पूस्ताको रोजाईको विषय हुन सक्छ । 

भिडियोमा सिनेम्याटोग्राफी कमजोर रहेपनि यो शैली युवा पुस्ताले रुचाउने सम्भावना छ ।