नागमणीका नाममा ठगी गर्ने तीन जना पक्राउ

नेपालगञ्ज : नागमणी दिने भनेर ठगी गर्ने तीन जनालाई प्रहरीले पक्राउ गरेको छ । नागमणी दिने भन्दै दाङबाट एक करोड ८९ लाख ५० हजार रकम लिइ फरार तीन जनालाई बाँके प्रहरीले नेपालगन्जबाट पक्राउ गरेको हो । 

प्रक्राउ पर्नेमा दैलेख नौमुले गाउँपालिका ४ का धनबहादुर रोका, सल्यान कुमाख गाउँपालिका ५ का कृष्ण शाह र शारदा नगरपालिका ९ बस्ने डिल्लीबहादुर बोहरा छन् । 

उनीहरूले घोराही उपमहानगरपालिका १७ निवासी माधवप्रसाद घिमिरेलाई आफूसँग बहुमुल्य नागमणी भएको एक करोड ८९ लाख ५० हजार रुपैयाँ लिइ फरार भएका थिए । 

पीडित घिमिरेको जाहेरीका आधारमा बाँके प्रहरीले कार्तिक १५ गते नेपालगञ्ज उपमहानगरपालिका वडानम्वर १ बाट उनीहरुलाई ४० लाख रकमसहित पक्राउ गरेको हो ।