५० हजार घूससहित सब-इन्जिनियर पक्राउ

प्रतिकात्‍मक तस्‍वीर

हेटौंडा : हेटौंडाबाट ५० हजार घूस रकमसहित सब–इन्जिनियर नेत्र लामिछाने पक्राउ परेका छन् । पर्यटन विकास आयोजना वाग्मती प्रदेशमा कार्यरत प्राविधिक नेत्र लामिछानलाई शुक्रबार हेटौंडाबाट घुस रकमसहित पक्राउ गरेको अख्तियार दुरुपयोग अनुसन्धान आयोगका प्रवक्ता वेद प्रसाद भण्डारीले जानकारी दिए । 

पर्यटन विकास आयोजना वाग्मती प्रदेशबाट खटिएका प्राविधिक सव–ईन्जिनियर लामिछानेले भौतिक संरचना निर्माण सम्पन्न भए पश्चात घूस रकम लिएको खुल्न आएको प्रवक्ता भण्डारीले बताए । 

अख्तियार दुरुपयोग अनुसन्धान आयोगको केन्द्रीय कार्यालय टंगालबाट खटिएको टालीले लामिछानेलाई पक्राउ गरेको हो । अहिले उनलाई काठमाडौं ल्याउँदै गरेको प्रवक्ता भण्डारीले जानकारी दिए ।