मोटरसाइकलको ठक्करबाट पैदल यात्रीको मृत्यु

धनगढी : कञ्चनपुरमा मोटरसाइकलको ठक्करबाट पैदल यात्रीको मृत्यु भएको छ । जिल्लाको कृष्णपुर नगरपालिका-३ का ५८ वर्षीय लालबहादुर चौधरीको मोटरसाइकलको ठक्करबाट मृत्यु भएको हो ।

शुक्रबार कृष्णपुरदेखि अत्तरियातर्फ आउँदै गरेको से ७ प १४०२ नम्बरको मोटरसाइकलले ठक्कर दिँदा गम्भीर घाइते भएका चौधरीको शनिबार बिहान उपचारकै क्रममा मृत्यु भएको प्रहरीले जनएको छ । मोटरसाइकल चालक धनगढी उप–महानगरपालिका वडा नम्बर ३ का मदन रानालाई प्रहरीले नियन्त्रणमा लिएको छ ।