दार्चुलामा जीप दुर्घटना हुँदा तीनको मृत्यु

धनगढी: दार्चुलामा जीप दुर्घटना हुँदा तीन जनाको मृत्यु भएको छ । जिल्लाको लेकम गाउँपालिका-६ उच्चाकोटमा ग १ च १६९३ नम्बरको जीप दुर्घटना भएको हुँदा तीन जनाको मृत्यु भएको प्रहरीले जनाएको छ । 

सोही वडाका ३८ वर्षीय करन नाथ, शैल्यशिखर नगरपालिका-८ का ७० वर्षीया सोनादेवी पन्त र सोही वडाका ४० वर्षीय पदमराज पन्तको मृत्यु भएको प्रमुख प्रहरी नायव उपरीक्षक मनोहरप्रसाद भट्टले जानकारी दिए ।

१२ वर्षीय मुकेश पन्त, ७ वर्षीय बसन्त पन्त, ७० वर्षीया गंगादेवी पन्त र ७२ वर्षीय बुदिबल्ल पन्त घाइते भएका र उनीहरूको गोकुले अस्पपतालमा उपचार भइरहेको प्रहरी नायव उपरीक्षक भट्टले जानकारी दिए ।