आमाको गीतमा ब्वाइफ्रेन्डसँग साम्राज्ञीको रोमान्स

काठमाडौं : युवा पुस्तामाँझ लोकप्रिय अभिनेत्री साम्राज्ञी आरएल शाहले आमाले गाएको गीतमा मोडलिङ गरेकी छन् ।  आमा नेहा आरएल शाहको आवाज रहेको ‘तिमी र म’ बोलको गीतमा साम्राज्ञीले देवांश राणासँग स्क्रिन शेयर गरेकी हुन् । 

देवांश र साम्राज्ञी प्रेमी–प्रेमिका हुन् । साम्राज्ञीले गीत मन परेर नै अभिनयका लागि राजी भएको बताएकी छन् । ‘आमाले गाएको गीत भनेर होइन गीतको मर्म बुझेर र गीत राम्रो लागेर अभिनय गरेकी हुँ,’ उनले भनेकी छिन् ।  

बोधी च्यानलबाट सार्वजनिक भएको गीत  रमेश एम के पौडेलले निर्माण गरेका हुन् । भिडियोका निर्देशन बिशेषदेव पाण्डेले गरेका हुन । विराज गौतमले लेखेको यो गीतमा संगीत पनि उनकै रहेको छ । 

संगीतमा सानै देखि रुची राख्ने नेहाले विभिन्न समयमा गरी थुप्रै गीत रेकर्ड गराएकी छिन् ।  यसअघि उनको स्वरमा रेकर्ड भएको गीत ‘मेरो मनको सपना र फूली फूल्यो’ले राम्रै चर्चा पाएको थियो । नेहाले आफ्नो स्वरमा रेकर्ड भएका  र रिलिज हुन बाँकी आधा दर्जन गीतहरू क्रमश सार्वजनिक गरिंदै जाने जानकारी जानकारी दिएकी छन् । 

भारतीय संगीत गुरूसँंग चार वर्ष शास्त्रीय संगीतको प्रशिक्षण लिएकी नेहाले आफू जीवन र जगतसँगै  माया र साथ अनि जीवन संघर्षका गीत रुचाउने बताएकी छन् ।