युरोपा लिग : नफेरिएको म्यानचेस्टर युनाइटेड

काठमाडौँ : म्यानचेस्टर युनाइटेड यस सिजन पूर्णरुपमा बलियो टिमका रुपमा स्थापित हुन सकेको छैन् । प्रिमियर लिगमा ठूला भनिएका टिमलाई यस सिजन हराउन नसकेको युनाइटेडले युरोपा लिगमा पनि त्यही सिलसिलालाई दाहोर्‍यायो । 

युरोपा लिगमा बिहीबार राती युनाइटेड एसी मिलानसँग बराबरीमा रोकियो । ओल्ड ट्रार्फोडमा अग्रता जोगाउन नसक्दा इंग्लिस लिगको सम्भावित उप-विजेताले इटालियन सिरी ए को दोस्रो स्थानमै रहेको मिलानसँग एक–एक गोलको बराबरी खेल्यो । युनाइटेडका लागि अमद डियालोले ५० औँ मिनेटमा गोल गरे । तर सिमोन कायरले खेलको उर्ताद्वमा गोल फर्काएपछि युनाइटेड रोकियो । 

यसै सिजन इटालीबाट युनाइटेड आएका डियालो बैकल्पिक खेलाडीका रुपमा मैदान प्रवेश गरेका थिए । आइभरीकोस्टका १८ वर्षीय विङ्गरले गोल गर्दै प्रशिक्षक ओले गनर सोल्स्यारको रणनीति सफल हुन लागेको सन्देश पनि दिए ।

तर अन्तिममा सम्हालिन नसक्ने युनाइटेडको रोग बल्झिदा कायरले हेडर गोल गरे । डेभिड डे हायाको विकल्पका रुपमा प्रस्तुत भएका डिन हेन्डरसनले कायरको हेडर रोक्न नसक्दा युनाइटेडले महत्वपूर्ण तीन अंक बटुल्ने मौका गुमायो ।