प्रदेश १ को प्रदेश सभा बैठक अनिश्‍चितकालका लागि स्थगित

काठमाडौँ : प्रदेश १ को प्रदेश सभा बैठक अनिश्‍चितकालका लागि स्थगित भएको छ । प्रदेश सभा सचिवालयले सूचना टाँस गरेर अनिश्‍चितकालका लागि स्थगित गरेको हो ।

प्रदेश सभा सचिवलयका सचिव गोपालप्रसाद पराजुलीले सूचना प्रकाशित गरी विषेश कारणले बैठक स्थगित गर्नुपरेको उल्लेख गरेका छन् । यसअघि फागुन २० गतेका लागि बोलाइएको बैठक १९ गते नै सूचना प्रकाशित गर्दै संसद सचिवालयले चैत २ गतेका लागि बैठक बोलाएको थियो ।

अहिले पुन:स्थगित गर्दै समय समेत ताेकेकाे छैन । अदालतको आदेशपछि एमाले र माओवादी केन्द्र दुई खेमामा औपचारिक रुपमा विभक्त भएपछि यो अवस्था आएको हो । पूर्ववत नेकपा फुटको संघारमा रहँदा आएको यो अवस्था अहिले थप जटिल बनेको छ ।