अमेरिका पेरिस सम्झौताबाट बाहिरिएकोका राष्ट्रसंघ दु:खी

काठमाडौं : शक्ति मुलुक अमेरिका जलवायु परिवर्तनसम्बन्धी पेरिस सम्झौताबाट बाहिरिएकोका राष्ट्रसंघ र केही मुलुकले दु:ख ब्यक्त गरेका छन् । फ्रान्स, बेलायत, चिली, इटालीलगायतका मुलुकले सम्झौताबाट अमेरिका बाहिरिएको भन्दै दु:ख ब्यक्त गरेका हुन् ।

अन्तराष्ट्रिसंचार संस्थाहरूले अमेरिका हिजोदेखि सम्झौताबाट बाहिरिएको जनाएका छन् । अमेरिकाले गत वर्षदेखि सम्झौताबाट अमेरिका बाहिरिने निर्णय गरेको थियो र सो अभियानबाट बुधबार औपचारिक रूपमा बाहिरिएको हो । उक्त सम्झौताबाट नहट्न अमेरिकालाई विश्‍वका नेताहरूले आग्रह गरेको भए पनि नमानेको र अन्ततः बाहिरिएको भन्दै त्यसप्रति युरोपेली मुलुकले दुःख ब्यक्त गरेका हुन् । 

सम्झौताबाट बाहिरिने निर्णय अमेरिकाको ट्रम्प प्रशासनले सन् २०१९ को नोभेम्बार ५ गरेको थियो र सोही बमोजिम नै बुधबार बाहिरिएको हो । सन् २०१५ मा फ्रान्सको राजधानी पेरिसमा भएको जलवायु परिवर्तनसम्बन्धी सम्मेलनले विश्‍वका शक्ति राष्ट्रहरूसँगै अमेरिकाले पनि सम्झौता गरेको थियो ।

विश्‍वमा जलवायु परिवर्तनको प्रभाव कम गर्ने सम्बन्धी सम्झौताबाट बाहिरिएकोमा राष्ट्रसंघले दुःख व्यक्त गरेको बताइएको छ । यसअघि पनि सन् २०१५ देखि नै अमेरिकाको यो निर्णयको विश्‍वका प्रायः मुलुकले विरोध गरेका थिए । तर पनि ट्रम्प प्रशासनले सो सम्झौताबाट अमेरिका बाहिरिने अडान लिएकी थियो ।