सुदूरपश्‍चिम प्रदेश खेलकुद परिषद्‍को सदस्य सचिवमा सिंह

धनगढी  : सुदूरपश्चिम प्रदेश खेलकुद परिषदको सदस्य सचिवमा दीपकबहादुर सिंह नियुक्त भएका छन ।  कैलाली जिल्ला खेलकुद बिकास समितिका पूर्वअध्यक्ष समेत रहेका सिंह प्रदेश खेलकुद परिषदको सदस्य सचिवमा नियुक्त भएका हुन । प्रदेश मन्त्रिपरिषद्को बैठकले सिंहलाई नियुक्त गरेको सामाजिक विकास मन्त्री कृष्णराज सुवेदीले जानकारी दिए । 

उनकाअनुसार आज सपथ ग्रहण गर्ने कार्यक्रम छ । कैलालीको अध्यक्ष हुँदा सिंहले कैलाली जिल्ला खेलकुद बिकास समितिलाई देशकै उत्कृष्ट तीनमा पार्न सफल भएका थिए । उनको कार्यकालमा ४२ वटा विद्यालयमा खेल मैदान, वास्केटबल कोर्ट, वहुउद्देश्यीय कभर्डहल, सवै निर्वाचन क्षेत्रमा एक÷एक खेल मैदान, टीकापुरमा सुटिंग रेञ्ज र स्पोर्टस एकेडेमीका लागि फुटबल मैदान, फुलवारी र खेलकुद विकास समितीमा क्रिकेट पिच निर्माण भएको थियो ।