विङ्गर दुर्घटना हुँदा एकको मृत्यु

धनगढी : विङ्गर दुर्घटना हुँदा एक जनाको मृत्यु भएको छ । अन्य ६ जना घाइते भएका छन् । पूर्वपश्चिम राजमार्ग अन्तरगत कंचनपुरको कृष्णपुर नगरपालिका-५ गुलरियामा म १ ज २४३ नम्बरको विङ्गर दुर्घटना हुँदा १ जनाको मृत्यु भएको हो ।

सुदूरपश्चिम प्रदेश ट्राफिक प्रहरी कार्यालय अत्तरियाकाअनुसार दुर्घटनामा परेर डडेल्धुराको अमरगढी नगरपालिका-५ बस्‍ने ७७ वर्षीया मन्दिरा देवी पन्तको मृत्यु भएको हो । घाइते ६ जनाको अत्तरियास्थित पद्यमा अस्पतालमा उपचार भइरहेको छ । टायर पड्किएर दुर्घटना भएको प्रहरीले जनाएको छ ।