डिसहोम फाइबरनेटको प्रयोगकर्ता एक लाख

काठमाडौँ - डिसहोमले सुरुवात गरेको डिसहोम फाइबर नेटको ग्राहक संख्या एकलाख पुगेको छ । कम्पनीले देशभर विस्तार गरेको फाइबर नेट प्रयोगकर्ताको संख्या एक लाख पुगेको जानकारी दिइएको हो ।

चुस्त दुरुस्त सेवा देशभर पुर्‍याउने लक्ष्य लिएर सुरु गरिएको डिसहोम फाइबर नेटले एक लाख ग्राहक पुर्‍याउन सफल भएको छ । एक लाख ग्राहक पुगेको अवसरमा डिसहोमको कार्यालयमा आयोजित कार्यक्रममा उपस्थित डिस मिडिया नेटवर्कका अध्यक्ष हेमराज ढकालले अब देशभर सेवा दिन तयार डिसहोम फाइबर नेटको नेटवर्कले छिट्टै थप ग्राहकहरुलाई सेवा दिंदै ग्राहक संख्या गुणात्मक विस्तार गर्दै जानुपर्ने विचार व्यक्त गरे।

आउँदो समय ग्राहक संख्या विस्तारसँगै भरपर्दो सेवाको निरन्तरता प्रदान गर्ने प्रण गर्दैै डिसहोमको कर्मचारीहरुले एक लाख ग्राहक संख्या पुगेकोमा केक काटेर खुसियाली मनाएका थिए।