विनोद चौधरीको आत्मकथा मंगोलियन भाषामा

काठमाडौँ– ख्यातिप्राप्त उद्योगपति एवं फोर्ब्समा सूचीकृत नेपालका एकमात्र अर्बपति विनोद चौधरीको आत्मकथा अंग्रेजी संस्करण ‘मेकिङ्ग इट बिग’को मंगोलियन अनुवाद प्रकाशन भएको छ । उक्त प्रकाशनको आज एक कार्यक्रम बीच सार्वजनिक गरिएको छ । 

चौधरीको आत्मकथा पाँच भाषा (नेपाली, अंग्रेजी, रुसी, हिन्दी तथा मंगोलियन) मा प्रकाशन भएको छ ।

मंगोलियन भाषाको पुस्तक सार्वजनिक गर्दै चौधरीले कथा वा विषयवस्तु जेसुकै भएपनि आम पाठकसम्म नपुगेसम्म त्यसको अर्थ नहुने भन्दै विद्यार्थी, नीतिनिर्माता, प्राध्यापक, सार्वजनिक पुस्तकालय र विश्वविद्यालयसम्म आम रूपमा पुस्तक सहज उपलब्ध गराउन राम्रो वितरण सञ्जाल तयार गरेकोमा मंगोलियन प्रकाशकलाई धन्यवाद दिए । 

उनले निकट भविष्यमा मंगोलिया भ्रमण गरी पुनः पाठकहरूसँग अन्तर्क्रिया गर्ने वचनवद्धता समेत गरेका छन् ।  विनोद चौधरीको आत्मकथा पहिलोपटक २०६९ सालमा प्रकाशन भएको थियो ।