शिवम सिमेन्टको मेसिनको फित्तामा बेरिएर मजदुरको मृत्यु

फाइल फोटो

 मकवानपुर - हेटौंडा उपमहानगरपालिका –१६ हटियामा रहेको शिवम सिमेन्ट उद्योगमा कार्यरत मजदुरको मेसिनको फित्तामा बेरिएर मृत्यु भएको छ ।

अन्दाजी २० वर्षको मजदुरको मेसिनको फित्तामा बेरीएर मृत्यु भएको जिल्ला प्रहरी कार्यालय मकवानपुरले जनाएको छ । 

उद्योगको मेसिन सरफाइ गर्नेक्रममा डिआर प्लान्ट मेसिनमा च्यापिएर भारत घर भइ हेटौंडा बस्दै आएका नकित अक्सर हुसेनको मृत्यु भएको जिल्ला प्रहरी कार्यालय मकवानपुरका प्रहरी निरिक्षक राजकुमार सापकोटाले बताए । 

उद्योगले मजदुर नियुक्ति गर्ने तर तालिम नदिइकन मेसीनरी काममा पठाउने गरेका कारण मजदुरको मृत्यु भएको हो । शिवमका सिमेन्ट उद्योगमा गतवर्ष पनि भारतीय मजदुरको फित्तामा नै बेरीएर मृत्यु भएको थियो ।

सिमेन्ट उद्योग ब्यावस्थापनको गैरजिम्मेवारपनका कारण पनि हरेक वर्षजसो मजदुरको काम गर्नेक्रममा मृत्यु हुने गरेको छ ।