हलिउड अभिनेता सिल्भियो नेपाल आउँदै

काठमाडौँ - हलिउड अभिनेता सिल्भियो सिमाक नेपाल आउने भएका छन् । एक्सन फर नेसन्सको आयोजनामा २६ मार्च २०२२ मा हुन गइरहेको महिला सशक्तिकरणका लागि आत्मरक्षा तालिम सञ्चालनका लागि पहिलो पटक नेपाल आउन लागेका हुन् ।  हलिउड अभिनेता सिल्भियो  मार्शल आर्टिस्ट र विश्व च्याम्पियन हुन् जसले ज्याकी च्यान, जेट ली र अधिक जस्ता धेरै प्रसिद्ध अभिनेताहरूसँग अभिनय गरेका छन् ।

अभिनेता सिल्भियो एक्शन फर नेसन्सको सद्भावना दूत पनि हुन् । एक्सन फर नेसन्सले अमेरिका, नेपाल, भारत र पाकिस्तानमा महिला सशक्तिकरणका लागि आत्मरक्षा तालिम लगायतका महत्वपूर्ण काम गरेको भन्दै हालै मात्र अमेरिकामा सो फेस्ट सोसल अवार्ड २०२२ समेत प्राप्त गरेको छ ।