थप २९ सय ९ जनामा कोभिड संक्रमण पुष्टि, १८ जनाले ज्यान गुमाए

काठमाडौँः पछिल्लो २४ घण्टामा थप २ हजार ९०९ जनामा कोभिड–१९ को संक्रमण पुष्टि भएको छ । यो सँगै नेपालमा कोरोना संक्रमितको संख्या एक लाख ८८ हजार ८ सय ८३ पुगेको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार शुक्रबार देशभर चार हजार ५००जना कोभिड संक्रमणमुक्त भएका छन् । यो सँगै एक लाख ५२ हजार ९ सय ८ जना संक्रमणमुक्त भएका छन् ।

पछिल्लो २४ घन्टामा १८ जना कोभिड संक्रमितको मुत्यु भएको मन्त्रालयले जनाएको छ । योसँगै नेपालमा कोरोना संक्रमणबाट मृत्यु हुनेको संख्या एक हजार ७० पुगेको छ ।