दिपेन्द्रको टी–ट्वान्टीमा पहिलो शतक

काठमाडौँ – नेपाली राष्ट्रिय क्रिकेट टिमका अलराउन्डर दिपेन्द्र सिंह ऐरीले टी–ट्वान्टी अन्तर्राष्ट्रियमा पहिलो शतक पुरा गरेका छन् । त्रिवी क्रिकेट मैदानमा त्रिकोणात्मक टी–ट्वान्टी सिरिज अन्तर्गत मलेसियाविरुद्धको खेलमा दिपेन्द्रले शतक पुरा गरे । 

दिपेन्द्रले ५५ बल खेल्दै १ सय २ रन बनाए । दिपेन्द्रले ५ छक्का र १० चौका प्रहार गरे । टी–ट्वान्टीमा शतक पुरा गर्ने दिपेन्द्र चौथो नेपाली खेलाडी हुन् । 

यस अघि ज्ञानेन्द्र मल्ल, पारस खड्का र कुशल भुर्तेलले टी–ट्वान्टीमा शतक पुरा गरेका छन् ।