एएफसी फुटसल छनोट खेल्ने टिमको विदाई

काठमाडौँ – अखिल नेपाल फुटबल संघ (एन्फा) ले एएफसी फुटसल एसिया कप छनोट खेल्न कीर्गिस्तान जाने नेपाली फुटसल टोलीको बिदाई गरेको छ ।   सातदोबाटोस्थित एन्फा कम्पलेक्समा मंगलबार नेपाली फुटसल टोलीको बिदाई गरिएको हो । नेपाली टोली मंगलबार नै कीर्तिस्तान प्रस्थान गर्दैछ । 

नेपालले छनोट अन्तर्गत पहिलो खेल उजबेकिस्तानविरुद्ध अप्रिल १० मा खेल्नेछ । दोस्रो खेल ताजिकिस्तानविरुद्ध अप्रिल ११ तथा तेस्रो खेल अफगानिस्तानविरुद्ध अप्रिल १२ मा खेल्ने तालिका रहेको छ । सबै खेल कीर्गिस्तानको बिसकेकमा रहेको गाजप्रोम स्पोर्टस कम्पलेक्समा हुनेछन् ।

नेपाली फुटसल टिमः

अनिश श्रेष्ठ, विश्वास पौडेल, आदिल हमिद, विजय श्रेष्ठ, हेमन्त गुरुङ, खिमराज गुरुङ, किशोर गुरुङ, कृजल खड्का, मनी कुमार लामा, रोशन छन्त्याल, सरोज तामाङ, सुमित श्रेष्ठ, सुरुज गुरुङ र उर्केन जाङ्बु शेर्पा ।

गौरब बस्नेत मुख्य प्रशिक्षक हुन् ।