बिहीबार २१ चैत, २०८१
Thursday, April 03, 2025

लागुऔषधसहित १४ वर्षीय किशाेर पक्राउ

जनकपुरधाम : महोत्तरी प्रहरीले लागूऔषधसहित एक १४ वर्षीय एक किशाेरलाई पक्राउ गरेको छ । जिल्लाको सम्सी गाउँपालिका ६ सम्सी बजारबाट शुक्रबार भारतबाटनेपाल तर्फ आउँदै गरेका किशाेरलाई लागूऔषधसहित पक्राउ गरेको हो । 

जिल्ला प्रहरी कार्यालय महोत्तरीका प्रहरी प्रवक्ता प्रहरी नायव उपरीक्षक प्रकाश विष्टकाअनुसार पक्राउ पर्नेमा महोत्तरीकै गौशाला नगरपालिका १ का बजरंगी मण्डल छन् ।  सम्सी प्रहरी चौकीबाट गस्तीमा खटिएको प्रहरी टोलीले तजाँचका क्रममा नाईट्रोभेट ट्याब्लेट–१० लेखिएको २ पत्तामा ३० पिस, स्पास्मो प्रोक्सोभोन प्लस २ पत्तामा १६ पिस र कोरेक्स १०० एम.एल को ४ बोतल बरामद गरिएको जनाएको छ ।

जिल्ला अदालत महोत्तरीबाट लागुऔषध मुद्दामा दिन १० म्यादको म्याद थप अनुसन्धान प्रक्रियाअघि बढाइएको प्रहरी नायब उपरीक्षक विष्टले जानकारी दिए ।