चेल्सी र लेस्टर सिटी सेमीफाइनलमा

काठमाडौँ : इंग्लिस एफए कप फुटबलमा चेल्सी र लेस्टर सिटी सेमीफाइनलमा प्रवेश गरेका छन् । आइतबार राती भएका खेलमा चेल्सीले शेफिल्ड युनाईटेडलाई २-० गोलले हराउँदा लेस्टरले म्यानचेस्टर युनाईटेडलाई ३-१ गोलले स्तब्ध बनायो ।

चेल्सीलाई जिताउन हाकिम जियाचले गोल गरे । एक गोल भने शेफिल्डबाट उपहार पाएको थियो । यस्तै लेस्टरलाई जिताउन केलेची इयानाचोले दुई तथा योरी टेलेमेन्सले एक गोल गरे । म्यानचेस्टरका मसुन ग्रीनवुडले एक गोल गरे ।

साउथह्याम्पटन र म्यानचेस्टर सिटी यसअघि नै सेमीफाइनल पुगिसकेका छन् ।