टोटनहम विजयी, बराबरीमा रोकियो आर्सनल

काठमाडौँ : इंग्लिस प्रिमियर लिग फुटबलमा टोटनहम विजयी भएको छ । आर्सनल भने बराबरीमा रोकिएको छ । आइतबार राती भएको खेलमा टोटनहमले एस्टन भिल्लालाई २-० गोलले पराजित गर्दा आर्सनल वेष्टह्यामसँग ३-३ गोलको बराबरीमा रोकिएको हो ।

टोटनहमलाई जिताउन अल्भेस मोराइज र हयारी केनले गोल गरे । जितपछि टोटनहम २९ खेलबाट ४८ जोड्दै लिगको छैटौ स्थानमा उक्लिएको छ । यस्तै अर्को खेलमा आर्सनल बराबरीमा रोकिएको छ । 

वेष्टह्याम युनाईटेडसँग आर्सनलले ३-३ गोलको बराबरी खेलेको हो । आक्रामक रुपमा सुरुवाती तीन गोल गरेको वेष्टह्यामले दुई आत्मघाती गोल गरेपछि आर्सनलसँग अंक बाड्न बाध्य भएको हो । बराबरीपछि वेष्टह्याम ४९ अंकसहित पाँचौ स्थानमा छ भने आर्सनल ४२ अंकसहित नवौ स्थानमा छ ।