ब्लुबर्ड र एपेक्सको जित

काठमाडौँ – प्याट्रियोट्स कप इन्टर कलेज टी–ट्वान्टी क्रिकेट प्रतियोगिता अन्तर्गत ब्लुबर्ड कलेज एपेक्स कलेजले जित हात पारेको छ । मुलपानी क्रिकेट मैदानमा भएको खेलमा ब्लुबर्डले गोल्डेन गेट कलेजलाई ९ विकेटले पराजित गर्यो । 

९७ रनको लक्ष्य ब्लुबर्डले १२ ओभर ५ बलमा १ विकेट गुमाएर पुरा गर्यो । ब्लुबर्डको जितमा सचिन लेखकले अविजित रहदै ६० रनको योगदान गरे । यस अघि टस जितेर पहिले ब्याटिङ गरेको गोल्डेनगेटले निर्धारित २० ओभरमा ७ विकेट गुमाएर ९६ रन जोड्यो । 

अर्को खेलमा एपेक्सले मोर्गन कलेजमाथि ३० रनको जित हात पार्याे । १ सय ४० रनको लक्ष्य पछ्याएको मोर्गन निर्धारित २० ओभरमा १ सय ९ रनमै अलआउट भयो । 

मोर्गनका पवन सिग्देलले ३४ रन जोडे । एपेक्सका मोहन सिंहले ४ तथा सशांक अग्रवालले ३ विकेट हात पारे । 

यस अघि एपेक्सले निर्धारित ओभरमा १ सय ३९ रन जोडेको थियो ।