चुनावी तालमेलको मोडालिटी टुङ्ग्याउन सत्ता गठबन्धनको बैठक बस्‍दै

काठमाडौँ- सत्ता गठबन्धनको बैठक आज बस्‍दैछ । चुनावी तालमेलको मोडालिटी टुङ्ग्याउन आज अपरान्ह ४ बजेका लागि बैठक बोलाइएको छ ।

आजको बैठकमा ७५३ पालिकामै तालमेलका लागि भागबन्डा गर्ने सहमति हुने बालुवाटार स्रोतले बतायो ।

सोमबार प्रधानमन्त्री निवास बालुवाटारमा बसेको बैठकमा सत्ता गठबन्धन दलका शीर्ष नेताहरुले स्थानीय तहको निर्वाचनमा तालमेल गर्ने भन्दै संयुक्त अपिल जारी गरेका थिए ।  

नेपाली कांग्रेसका वरिष्ठ नेता रामचन्द्र पौडेल संयोजकत्वको संयन्त्रको आइतबार सम्पन्न बैठकले पाँच दलीय गठबन्धनले आसन्न स्थानीय तहको निर्वाचनमा आपसी तालमेल गरी गठबन्धनको भावना र आपसी समन्वय गर्दै सहकार्य गरेर अघि बढ्ने निर्णय गरेको थियो ।