दिपेन्द्र आईसीसी वरीयताको शीर्ष १० मा

काठमाडौँ – नेपाल राष्ट्रिय क्रिकेट टिमका अलराउन्डर दिपेन्द्र सिंह ऐरी आईसीसी टी–ट्वान्टी वरीयताको शीर्ष १० भित्र परेका छन् । आईसीसीले सार्वजनिक गरेको नयाँ वरीयताक्रम अनुसार ऐरी टी–ट्वान्टी अलराउन्डरतर्फ शीर्ष १० मा परेका छन् ।

आईसीसीको वरीयताको शीर्ष १० मा पर्ने ऐरी पहिलो नेपाली क्रिकेटर हुन् । ब्याटिङतर्फ ऐरी ३८ औँ स्थानमा रहेका छन् । 

यता कुशल भुर्तेल भने ब्याटिङतर्फ ३६ औँ स्थान तथा आशिफ शेख ९९ स्थानमा रहेका छन् । बलिङतर्फ सन्दीप लामिछाने ३८ औँ स्थान तथा अभिनाश बोहरा ८६ औँ स्थानमा रहेका छन् ।