बर्नलीका मुख्य प्रशिक्षक सिन बर्खास्त

काठमाडौँ – इंग्लीस प्रिमियर लिग क्लब बर्नलीले मुख्य प्रशिक्षक सिन डायचलाई बर्खास्त गरेको छ । लिग अन्तर्गतको केवल ८ खेल बाकी छदा क्लबले डायचलाई बर्खास्त गरेको हो । 

रेलिगेसन जोनमा रहेको बर्नलीले पछिल्ला ६ मध्ये ५ खेलमा पराजय भोगेको छ । पछिल्लो पटक लिगको पुछारमा रहेको नर्विच सिटीसँग २–० ले पराजित भएको थियो । 

लिग तालिका अन्तर्गत बर्नली ३० खेलबाट २४ अंक जोड्दै १८ औ“ स्थानमा रहेको छ र उसले रेलिगेसनबाट जोगिन अहिले कम्तिमा ४ अंकले पछि परेको छ । बर्नलीका अध्यक्ष अलान पेसले डायचलाई बर्खास्त गर्नु कठिन निर्णय भएपनि अहिलेको अवस्थामा परिवर्तन आवश्यक रहेको बताए । 

क्लबले सहायक प्रशिक्षक इयान ओआनलाई पनि बर्खास्त गरेको छ ।