नेदरल्यान्ड्सका प्रशिक्षक काम्पबेल आइसीयुमा

काठमाडौँ – नेदरल्यान्ड्स क्रिकेट टिमका मुख्य प्रशिक्षक र्यान काम्पबेललाई लन्डनको आइसीयुमा राखिएको छ । शनिबार हृदयघात भएपछि काम्पबेललाई आइसीयुमा राखिएको आईसीसीले जनाएको छ । 

५० वर्षीय काम्पबेललाई शनिबार छाती दुख्नुका साथै स्वासप्रश्वासमा समस्या देखिएको थियो । उनी अझै केही बोल्ने अवस्थामा नरहेको तथा उनी आफैले स्वासलिने प्रयास गरिरहेको जनाएको छ । 

अष्ट्रेलियन नागरिक काम्पबेल न्यूजिल्यान्डको भ्रमण सकेर युरोप जान लागेका थिए । काम्पबेल सन् २०१७ मो नेदरल्यान्ड्सको प्रशिक्षकमा नियुक्त भएका थिए । खेलाडीका रुपमा काम्पबेलले अष्ट्रेलिया र हङकङका लागि अन्तर्राष्ट्रिय खेलिसकेका छन् ।