मेलबर्न क्रिकेट मैदानमा ब्राजिल र अर्जेन्टिनाबीच फुटबल खेल हुने

काठमाडौँ – अष्ट्रेलियाको प्रतिष्ठित मेलबर्न क्रिकेट मैदानमा ब्राजिल र अर्जेन्टिनाबीच मैत्रीपूर्ण फुटबल खेल हुने भएको छ । यस वर्षको अन्त्यमा कतारमा हुने फिफा विश्वकपको तयारीको रुपमा जुन ११ तारिखमा सुपर क्लासिकोको रुपमा ब्राजिल र अर्जेन्टिनाबीच मैत्रीपूर्ण खेल हुने भएको हो ।

यस अघि सन् २०१७ मा ब्राजिल र अर्जेनटिनाबीच मेलबर्न क्रिकेट मैदानमा खेल भएको थियो जसमा अर्जन्टिनाले १-० ले जित हात पारेको थियो । उक्त खेल ९५ हजार भन्दा बढी दर्शकले हेरेका थिए ।

विश्वकपको तयारीस्वरुप मैत्रीपूर्ण खेल हुनाले दुबै टोलीले उत्कृष्ट खेलाडी मैदानमा उत्रार्ने आशा गरिएको छ ।