तीन महिनाभित्र १० घरेलु फुटबल प्रतियोगिता हुने

काठमाडौँ: अखिल नेपाल फुटबल संघ (एन्फा) ले चैत, बैशाख र जेठमा देशभर आयोजना हुने प्रतियोगिताहरूको तालिका सार्वजनिक गरेको छ । एन्फाले निकालेको सूची अनुसार चैत १७ देखि जेठ ५ सम्म कुल १० प्रतियोगिता सञ्चालन हुनेछ । 

एन्फाको क्यालेन्डर अनुसार आगामी चैत १७ देखि २८ सम्म पोखरामा आहा रारा गोल्डकप आयोजना हुनेछ भने सोही महिनाको २१ गतेबाट राजर्षी जनक गोल्डकप र पाँचौँ अन्तराष्ट्रिय भरोल प्रतियोगित सुरु हुनेछ । 

त्यसैगरी विराटनगरको विराट गोल्डकप चैत २६ देखि सुरु हुनेछ भने त्यसको एक दिनपछि महात्मा बुद्व गोल्डकप र बागेश्वरी गोल्कप सुरु हुनेछन् । चैत ३० देखि बैशाख ८ सम्म सिमरा गोल्डकप आयोजना हुने तालिका रहेको छ भने नयाँ वर्षको सुरुवात मदन भण्डारी गोल्डकपबाट हुनेछ । इटहरीमा हुने सो प्रतियोगिता बैशाख २ देखि ९ सम्म खेलाइनेछ । 

त्यस्तै, बैशाख २६ देखि जेठ ५ सम्म डाँगिहाट गोल्डकप हुनेछ । डाँगिहाट गोल्डकप सकिएको एक दिनपछि बेलबारीमा बेलबारी अन्तराष्ट्रिय प्रतियोगिता सुरु हुनेछ ।