एमालेबाट निर्वाचित गाउँपालिका अध्यक्ष कांग्रेस प्रवेश

फाइल फोटो

काठमाडौँ - सिन्धुपाल्चोकको त्रिपुरासुन्दरी गाउँपालिका अध्यक्ष भुपेन्द्र श्रेष्ठ कांग्रेस प्रवेश गरेका छन् । 

आज बाह्रबिसेमा भएको एक कार्यक्रममा श्रेष्ठ कांग्रेस प्रवेश गरेका हुन् । २०७४ को स्थानीय चुनावमा उनी एमालेबाट त्रिपुरासुन्दरी गाउँपालिकाको अध्यक्षमा विजयी भएका थिए । 

आज बिहान उनले लामो समयदेखि क्रियाशील रहेको नेकपा एमालेको सदस्यता नै नरहने गरि पार्टी परित्याग गरेको घोषणा गरेका थिए ।