सिन्धुलीमा कांग्रेस र माओवादी गठबन्धन

फाइल फोटो

काठमाडौँ - सत्ता गठबन्धन दलले सिन्धुलीमा पनि भागबन्डा मिलाएका छन् । आज बसेको सत्ता गठबन्धनको पदेश संयन्त्रको बैठकले सिन्धुलीमा भागबन्डा मिलाएका हुन् । 

नौ स्थानीय तह रहेको सिन्धुलीमा नेपाली कांग्रेस र माओवादी केन्द्रले गठबन्धन गरेका छन् । कमलामाई नगरपालिका प्रमुखमा नेपाली कांगेस र उपप्रमुखमा माओवादी केन्द्रले भाग पाएका छन् । यस्तै, दुधौली नगरपालिकामा प्रमुख माओवादी केन्द्र र उपप्रमुख कांग्रेस, गोलन्जोर गाउँपालिकामा अध्यक्ष कांग्रेस उपाध्यक्ष माओवादी केन्द्र, घ्याङलेख गाउँपालिकामा अध्यक्ष कांग्रेस उपाध्यक्ष माओवादी केन्द्र, तीनपाटन गाउँपालिकामा अध्यक्ष कांग्रेस उपाध्यक्ष माओवादी केन्द्र, फिक्कल गाउँपालिकामा अध्यक्ष कांग्रेस उपाध्यक्ष माओवादी केन्द्रले पाएका छन् ।

यता, मरिण गाउँपालिका अध्यक्ष माओवादी केन्द्र र उपाध्यक्ष कांग्रेस, सुनकोसी गाउँपालिका अध्यक्ष माओवादी केन्द्र र उपाध्यक्ष कांग्रेस र हरिहरपुरगढी गाउँपालिका अध्यक्ष माओवादी केन्द्र र उपाध्यक्ष कांग्रेसले पाएका छन् ।