छात्रामाथि अभद्र व्यवहार गरेको आरोपमा शिक्षक पक्राउ

हेटौंडा : छात्रामाथि अभद्र व्यवहार गरेको आरोपमा प्रहरीले एक शिक्षकलाई पक्राउ गरेको छ । मकवानपुरगढी गाउँपालिका-३ स्थित, भानु माद्यामिक विद्यालयका शिक्षक किरण पाण्डेलाई प्रहरीले बुधबार पक्राउ गरेको हो । 
 
छात्राले जिल्ला प्रहरी कार्यालय मकवानपुरमा उजुरी दिएपछि पक्राउ गरिएको जिल्ला प्रहरी कार्यालय मकवानपुरका प्रहरी नायव उपरीक्षक जयश्वर रिमालले जानकारी दिए । 

शिक्षक पाण्डेलाई जिल्ला प्रहरी कार्यालय मकवानपुरमा राखी थप अनुसन्धान सुरु गरिएको उनले बताए ।