मेलम्चीको गोल्मास्थान मतदान केन्द्रमा विवाद भएपछि पुनः मतदान रोकियो

काठमाडौँ - सिन्धुपाल्चोकको मेलम्ची नगरपालिका वडा नम्बर ९ मा मतदान रोकिएको छ । 

इच्छाएको व्यक्तिलाई मत दिने विषयमा दुई पार्टीका प्रतिनिधि बीच विवाद भइराख्दा पर्खाल नाघेर एमाले कार्यकर्ता मतदानस्थल प्रवेश गरेपछि मतदान रोकिएको हो । 

गोल्मास्थान स्वास्थ्य चौकी मतदान केन्दमा बसेका नेकपा माओवादी र नेपाली कांगेसका प्रतिनिधिबीच इच्छाएको व्यक्तिलाई मत दिने भन्ने विवाद भइराख्दा एमाले कार्यकर्ता भित्र छिरेपछि विवाद भएको पत्रकार युवराज पुरीले जानकारी दिए । 

 एमालेका तीन कार्यकर्ता पर्खाल चढेर मतदानस्थल प्रवेश गरेका थिए ।

अहिले उक्त मतदानस्थलमा मतदान रोकिएको छ । यसअघि बिहान पनि कांग्रेस एमाले कार्यकर्ताबीच विवाद हुँदा मतदान रोकिएको थियो । 

मतदानस्थलमा सेनाले बन्दुक ताकिरहेको तस्विर सामाजिक सञ्जालमा भाइरल छ ।