मतदानमा मह जोडीदेखि आनीसम्म  (फोटोफिचर)

काठमाडौँ - बिहान ७ बजेदेखि सुरु भएको स्थानीय निकायको निर्वाचनमा कलाकारले पनि सक्रियताका साथ सहभागी जनाएका छन् । ५ वर्षपछि भएको निर्वाचनमा मह जोडीदेखि आँचल शर्मासम्मले भोट हाले । 

गतसाल  भन्दा यो सालको स्थानीय निकायमा नेपाली कलाकारको चासो बढी रह्यो । काठमाडौँमा गायन क्षेत्रको प्रतिनिधित्व गर्दै बालेन शाहले स्वतन्त्र उम्मेदवार दिएपछि कलाकार उनको पक्षमा खुलेर लागे । सञ्चिता लुइँटेल, ऋचा शर्मा, स्वस्तिमा खड्का, निश्चल बस्नेत आदिले दिनदिनै बालेनको पक्षमा भोट अपिल गरेका थिए ।

‘लो प्रोफाइल’मा रहने स्थानीय निर्वाचनमा कलाकारको पार्टी प्रवेशले पनि कलाकारलाई चुनाव लागेको संकेत गर्यो । चुनावको मुखमा करिष्मा मानन्धर एमाले प्रवेश गरिन् भने भुवन केसी, श्वेता खड्का कांग्रेस प्रवेश गरे । 

पार्टी प्रवेशपछि आफ्नो पार्टीलाई जिताउन उनीहरूले दौडधुप पनि गरेको देखियो । राप्रपाकी केन्द्रीय सदस्य रेखा थापा राप्रपाको पक्षमा माहोल बनाउन पूर्वदेखि पश्चिमसम्म पुगिन् भने करिष्मा पनि केपी शर्मा ओलीसँगै धेरै ठाउँ गएकी थिइन् । यसैगरि चुनावको मुखमा कांग्रेस प्रवेश गरेका भुवन केसी पनि ‘म नेपाली बाबु’ भन्दै केही ठाउँका मतदातालाई रिझाउन गए । 

तस्बिर:  कलाकारको फेसबुक