कोभिड-१९ संक्रमणबाट तीन जनाको मृत्यु, ८५ संक्रमित

काठमाडौँ : कोभिड-१९ संक्रमणका कारण पछिल्लो २४ घण्टामा तीन जनाको मृत्यु भएको छ । स्वास्थ्य तथा जनसंख्या मन्त्रालयका अनुसार ८५ जनामा संक्रमण पुष्टि भएको छ । 

मन्त्रालयका अनुसार कोभीडका कारण मृत्यु हुनेको संख्या तीन हजार २७ पुगेको छ भने संक्रमण पुष्टि हुनेको संख्या दुई लाख ७६ हजार ७५० पुगेको छ ।

पछिल्लो २४ घण्टामा ९३ जना संक्रमणमुक्त भएका छन् । नेपालमा हालसम्म दुई लाख ७२ हजार ४३५ जना कोरोनामुक्त भएका छन् । नेपालमा १२ सय ८८ जना आइसोलेसन र ५९ जना क्‍वारेन्टाइनमा छन् । त्यस्तै हालसम्म २२ लाख ५९ हजार ४५ वटा पीसीआर गरिएको मन्त्रालयले जनाएको छ ।