धादिङ: धुनीबेंसी, खनियावास र बेनिघाट रोराङमा मतगणना सुरु

काठमाडौँ- धादिङ खनियावास गाउँपालिकामा १२:३० बजेबाट मतगणना सुरु भएको छ । बिहान ८ बजे सर्वदलीय बैठक बसेर मतगणना आचारसंहिता बनाएपछि गणना सुरु गरेको हो ।

खनियावासमा राप्रपा, नेकपा एमाले र गठबन्धनबाट नेपाली काँग्रेसबीच प्रतिस्पर्धा छ । त्यस्तै बेनिघाट रोराङ गाउँपालिकामा पनि मतगणना सुरु भएको छ । यो पालिकामा २१ हजार ३ सय २१ मतदाता छन् । ७५.८१ प्रतिशत मत खसेको छ । पृथ्वीराजमार्ग जोडिएको र चेपाङ समुदायको उल्लेख्य बसोबास भएको बेनिघाट रोराङ मा गठबन्धन र एमालेबीच प्रतिस्पर्धा छ ।

धुनीबेंसी नगरपालिकामा मतगणना सुरु गरेको छ । २६ हजार ५ सय २७ मतदाता रहेकोमा ७३.५७ प्रतिशत मत खसेको छ । यो नगरपालिकामा पनि गठबन्धनका उम्मेदवारसँग एमाले एक्लै छ ।