यसरी भइरहेको छ भरतपुर महानगरको मतगणना, हेर्नुहोस् तस्बिरमा

चितवन- भरतपुर महानगरपालिकाको मतगणना भइरहेको छ । बिहीबार भएको स्थानीय तह निर्वाचन अन्तर्गत भएको महानगरको मतगणना भइरहेको छ । 

महानगरपालिकाको मतगणना भरतपुर १० स्थित चितवन उधोग संघको औधोगिक प्रदर्शनी केन्द्रमा भइरहेको छ । जहाँ निर्वाचनमा सहभागी दलका प्रतिनिधि र निर्वाचन आयोगका प्रतिनिधि मिलेर मत गणना गरिरहेका छन् ।

सत्ता गठबन्धनका तर्फबाट मेयरका लागि रहेकी  रेणु दाहाल र एमालेका विजयी सुवेदी तीव्र प्रतिष्पर्धा चलिरहेको छ । 

तारजालीको घेराभित्र सीसी क्यामेराको निगरानीमा मतगणना भइरहेको छ । गत स्थानीय निर्वाचनमा मत गणनाको समयमा माओवादीका कार्यकर्ताले मतपत्र च्यातेका थिए । यसपटक भने कडा निगरानीमा गरिएको छ ।

स्थानीय तह सदस्य निर्वाचन अन्तर्गत शुक्रबार सम्पन्न मतदानमा भरतपुर महानगरपालिकाका १ लाख २७ हजार ५६६ जनाले मतदान गरेका छन् ।

महानगरपालिकामा कूल मतदाताको संख्या १ लाख ८५ हजार ७५१ रहेकामा केवल ६८.६७ प्रतिशतले मात्रै मतदान गरेका हुन् । भरतपुरमा कुल मतदाताको ६७ प्रतिशत मत खसेको थियो ।