पाकिस्तानी राजदूतावासको निशुल्क स्वास्थ्य शिविर

काठमाडौँ : नेपालस्थित पाकिस्तानी राजदूतावासले निशुल्क स्वास्थ्य शिविर चालाएको छ । शनिबार गोदावरी-१२ स्थित सेन्ट पावल्स स्कुलमा उक्त शिविर चलाइएको हो । 

नेपाल-पाकिस्तान फ्रेन्डसीप र कल्चरल एसोसियसनको संयुक्त सहकार्यमा उक्त शिविर चलाइएको हो । पाकिस्तानमा अध्ययन गरेर स्वदेश फर्किएका डाक्टरहरूले ५ सयभन्दा बढी स्थानीयलाई निशुल्क स्वास्थ्य जाँच गरेका थिए । यससँगै शिविरमा आउने स्थानीयलाई निशुल्क माक्स र स्यानिटाइजर वितरण गरिएको थियो । 

शिविरबारे जानकारी दिँदै नेपालका लागि पाकिस्तानका राजदूत सैयद हैदर शाहले निशुल्क स्वास्थ्य शिविरले जनस्तरको सम्बन्ध विकासमा महत्वपूर्ण भूमिका खेलेको प्रष्ट पारे ।