काठमाडौँ महानगरमा बालेनको अग्रता कायमै

फाइल तस्बिर

काठमाडौँ- काठमाडौँ महानगरपालिकाका मेयरको पछिल्लो मत परिणाम अनुसार स्वतन्त्र उम्मेदवार बालेन शाहले अग्रता कायम गरेका छन् । शाहले लौरो चिन्हबाट २ हजार ८ सय २८ मत ल्याएका छन् ।

एमालेका केशव स्थापितले १ हजार ४ सय ३८ र नेपाली कांग्रेसका सिर्जना सिंहले १ हजार ३ सय ४० मत प्राप्त गरेकी छिन् ।

महानगरमा हाल वडा १,२, ३,४, ३१ र ३२ को मतगणना भइरहेको छ । मत गणना राष्‍ट्रिय सभागृहमा भइरहेको छ ।