कास्कीको रुपा गाउँपालिका अध्यक्षमा नवराज ओझा विजयी

पोखरा - कास्कीको रुपा गाउँपालिकाको अध्यक्षमा नेकपा एमालेका नवराज ओझा विजयी भएका छन् । नेपाली कांग्रेसकी गीमाया गुरुङलाई १ हजार ६ सय १२ मत अन्तरले हराउदै ओझा विजयी भएका हुन् ।

ओझाले ५ हजार ७ सय ४९ मत प्राप्त गरेका छन् भने गिमायाले ४ हजार १ सय ३७ मत प्राप्त गरे । त्यसै गरी उपाध्यक्षमा लालसुब्बा गुरुङले नेपाली कांग्रेसका नारायण श्रेष्ठलाई १ हजार १ सय ७९ मत अन्तरले हराए ।

लालसुब्बाले ५ हजार ४ सय ४५ मत प्राप्त गरे भने नारायण श्रेष्ठले ४ हजार ३ सय ७० मत प्राप्त गरेका छन् । नवराज ओझा र गीमाया गुरुङले अघिल्लो वर्ष पनि विजयी भएको थिए । रुपा गाउँपालिका ७ वटा वडा रहेका छन् ।

वडा नम्बर १ को वडा अध्यक्षमा नेपाली काग्रेसले जितेको छ भने वडा नम्बर २, ३, ४, ५, ६ र ७ एमालेले जितेको छ । १४ हजार ६ सय ७५ रहेकाे पालिकामा १० हजार ३ सय ४४ मत खसेकाे थियाे। यसभन्दा अघि पनि अध्यक्षमा अाेझा र उपाध्यक्षमा गुरुङ निर्वाचित भएका थिए ।