पर्वतको महाशिला गाउँपालिका अध्यक्ष र उपाध्यक्षमा एमाले उम्मेदवार विजयी

काठमाडौँ - पर्वत जिल्लाको महाशिला गाउँपालिकाको अध्यक्ष र उपाध्यक्षमा नेकपा एमाले उम्मेदवार विजयी भएका छन् । एमालेका ईश्वरी भुसालले २ हजार ७ सय ४३ मत ल्याएर अध्यक्षमा निर्वाचित हुँदा निकटतम प्रतिद्वन्द्वी नेपाली कांग्रेसका अशोक ठकुरीले २ हजार ३ सय ६ मत प्राप्त गरे ।

यसैगरी उपाध्यक्षमा एमालेकै धनसुवा विकले २ हजार ७ सय ६ मतका साथ विजयी हुँदा उनका निकटतम प्रतिद्वन्द्वी नेपाल कम्युनिस्ट पार्टी एकीकृत समाजवादीका विराज हमालले १ हजार ९ सय ६९ मत पाएका थिए ।