सुनवाइ समितिमा न्यायाधीश कार्कीका उजुरीकर्तासँग छलफल हुने
काठमाडौँ- आज संसदीय सुनवाई समितिको बैठक बस्दैछ ।
सर्वोच्च अदालतका प्रधानन्यायाधीशमा सिफारिस हरिकृष्ण कार्कीविरुद्ध उजुरी दिएका उजुरीकर्ताहरूसँग छलफल गर्नका लागि उक्त बैठक बस्न लागेको हो ।
संघीय संसद्‌ सचिवालयका उपसचिव विमला घिमिरेका अनुसार बैठक ११ बजे सिंहदरबारमा बस्नेछ ।
सर्वोच्च अदालतका न्यायाधीश कार्कीलाई संवैधानिक परिषद्‌ले प्रधानन्यायाधीशका लागि सिफारिस गरेपछि संसदीय सुनवाइ समितिले सुनवाइ सुरू गरेको छ ।
उनीविरूद्ध समितिमा २९ वटा उजुरी परेको छ ।