काठमाडौं-​ रोमानिया पठाइदिन्छु भन्दै रकम ठगी गरेको अभियोगमा प्रहरीले एक जनालाई पक्राउ गरेकाे छ । काठमाडौं महानगरपालिका-९ सिनामंगलस्थित प्रेसटिज एचआर म्यानपावर प्रालिका संचालक  छविलाल भट्टराईलाई बुधबार प्रहरीले पक्राउ गरेको हाे।

केही व्यक्तिहरूलाई वैदेशिक रोजगारीको लागि रोमानियाको प्रतिष्ठित कम्पनीमा आकर्षक जागिर लगाईदिने प्रलोभनमा पारी  रकम लिई उनी फरार थिए । उनलाई काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले पक्राउ गरेको हो ।

उनलाई थप अनुसन्धान तथा कारवाहीको लागि वैदेशिक रोजगार विभाग बुद्धनगर काठमाडौं पठाइएको छ ।