राष्ट्र संघका महासचिव गुटेरेसको सुरक्षामा खटिएका असई ढुंगानाको मृत्यु
कात्तिक १५, २०८०
पोखरा- संयुक्त राष्ट्र संघका महासचिव एन्टोनियो गुटेरेसको सुरक्षाका लागि अन्‍नपूर्ण बेसक्याम्पमा खटिएका एक प्रहरीको मृत्यु भएको छ ।
सुरक्षामा खटिएर बेसक्याम्पबाट फर्किएपछि स्वास्थ्यमा समस्या देखिएको प्रहरी सहायक निरीक्षक (असई) टिकाराम ढुंगानाको बुधबार बिहान ९:४० बजे मृत्यु भएको हो ।
घान्द्रुक प्रहरी चौकीका इन्चार्ज असई ढुंगाना गुटेरेसको सुरक्षाका लागि कात्तिक १२ गते अन्‍नपूर्ण आधार शिविरमा पुगेका थिए । अन्‍नपूर्ण आधार शिविरबाट मंगलबार पैदल फर्किएका असई ढुंगानालाई बुधबार बिहान श्वासप्रस्वासमा समस्या आएपछि हेलिकप्टरमार्फत पोखरा ल्याइएको थियो ।
अस्पताल पुर्याएपछि चिकित्सकले मृत्यु घोषणा गरेको कास्की प्रहरी प्रमुख एसपी मोहन थापाले जानकारी दिए ।
