थाहा पाइराख्‍नुहोस् इयरफोन र हेडफोनका हानी

काठमाडौँ : गीत सुन्न होस् वा गेम खेल्न । हेडफोन र इयरफोन अनिवार्य आवश्यकता बनिसकेको छ । दैनिक जीवनमा प्रयोग हुने यस्ता चिजले हामीलाई सेवा त दिन्छ नै स्वास्थ्यमा पनि उत्तिकै हानी गर्छ । यसको लगातार प्रयोगले विभिन्न प्रकारका कान र दिमागमा समस्या निम्त्याउन सक्छ । 

धेरैको चर्को आवाजमा हेडफोन वा इयरफोनमा गीत सुन्ने बानी हुन्छ । चर्को आवाजमा गीत सुन्दा कान सुन्न सक्ने क्षमतामा कमी आउँछ । चर्को आवाजले कानको जालीलाई असर गर्छ । धेरै चर्को आवाज सुन्ने बानी परेकाले पछि सामान्य आवाज नसुन्ने हुन सक्छ । 

कानका लागि ७५ डेसिबलसम्मको आवाजलाई सुरक्षित मानिन्छ । ८५ डेसिबलभन्दा बढीको आवाज भने कानका लागि हानिकारक हो । त्यस्तै, धेरैजनाले हेडफोन वा इयरफोन सेयर गरेर सुन्छन् । यो एकदमै गलत बानी हो । यसरी सेयर गरेर सुन्दा यदी एउटाको कानमा इन्फेक्सन छ भने त्यो इन्फेक्सन अर्काेलाई पनि सर्न सक्छ । त्यसैले, सकेसम्म हेडफोन वा इयरफोन सेयर गरेर सुन्नु हुँदैन । 

इयरफोन र हेडफोन प्रयोग गर्दा ध्यान दिनुपर्ने कुराहरू :

– लगातार लामो समयसम्म हेडफोन वा इयरफोनको प्रयोग गर्नुहुँदैन । 

– राति सुत्नेबेलामा इयरफोनमा गीत सुन्दै सुत्ने बानी गर्नुहुँदैन ।

– चर्को आवाजमा गीत सुन्ने बानी बन्द गर्नुपर्छ ।

– हेडफोन वा इएरफोन एकअर्कासँग सेयर गर्दै प्रयोग गर्नु हुँदैन् ।