लालबाबु पण्डितको प्रश्न : विधेयक अधिवेशनले विधेयक पास गर्छ कि गर्दैन ?

काठमाडौँ : पूर्वमन्त्री तथा सांसद लालबाबु पण्डितले प्रतिनिधि सभा बैठकले 'सातौँ अधिवेशनले एउटा पनि विधेयक पास गर्छ कि गर्दैन ?' भनेर प्रश्न गरेका छन् । बिहीबार प्रतिनिधि सभा बैठकलाई सम्बोधन गर्दै पण्डितले यस्तो प्रश्न गरेका हुन् ।

'यो सातौँ अधिवेशनले एउटा पनि विधेयक पास गर्छ कि गर्दैन ? यो विधेयक अधिवेशन हो तर यसले एउटा पनि विधेयक पास गर्छ कि गर्दैन भनेर जनताले  हेरिरहेका छन्, संसद्मा अहिले ६५ वटा विधेयक छन्, यी सबै महत्वपूर्ण विधेयक हुन्', उनले भने ।  

त्यस्तै संसदमा काम छैन भन्नेहरू भन्नेहरूलाई विधेयक शाखामा गएर हेर्नसमेत सांसदले पण्डितले सुझाव दिएका छन् । सरकारले काम दिएन भन्नु एकतर्फी कुरा भएको पनि उनले दाबी गरे । 'संसद्ले काम नपाएको भन्ने, सरकारले काम निदिएको भन्ने ? संसद्ले काम नपाएको होइन, संसद्ले काम गर्न नसकेको हो', उनले भने ।