प्रकाशमान सिंहको आरोप : प्रधानमन्त्रीले संसदीय प्रक्रियालाई कमजोर पार्ने काम गरे

फाइल तस्बिर

काठमाडौँ : नेपाली कांग्रेसका नेता प्रकाशमान सिंहले केपी ओली नेतृत्वको सरकारले जनता झुक्याउने काम मात्र गरेको बताएका छन् । आइतबार नेपाल दलित संघले काठमाडौँमा आयोजना गरेको जिल्ला भेलामा उनले असंवैधानिक कदम चालेका प्रधानमन्त्रीले संसद्‌ पुन:स्थापना गरेपछि पनि संसदीय प्रक्रियालाई कमजोर पार्ने काम गरिरहेको आरोप लगाए ।

नेता सिंहले संसद् विघटनको प्रयास सकारात्मक थियो भनेर संसद्‌मा उभिएर स्पष्टीकरण दिन सिंहले चुनौतीसमेत दिए । विभिन्‍न बहानामा ओलीले संसद् छलेर संसद्को आवश्यकता छैन भन्दै हिँडेकोप्रति आपत्ति व्यक्त गर्दै नेता सिंहले संसदमा उपस्थित हुन आग्रह गरे ।

त्यस्तै उहाले सरकार गठनका लागि कांग्रेसले प्रयास गरिरहेको पनि बताए । अब नयाँ सरकार गठन गरेर मुलुकलाई अहिलेको अवस्थाबाट निकास दिएर निष्पक्ष निर्वाचन गराइने उनले बताए ।

नेता सिंहले  पार्टी महाधिवेशन गर्न क्रियाशील सदस्यता वितरण र नवीकरणका काम समयमै हुनुपर्ने उल्लेख गरे । त्यस्तै उहाले कांग्रेसको महाधिवेशन विधि र प्रक्रिया अनुसार हुनुपर्ने बताए ।