जनताको जीवन पहिलो हो, उद्योग र विद्यालय केही समय बन्द भए पनि खुल्‍छ : प्रधानमन्त्री ओली

फाइल तस्बिर

काठमाडौँ : प्रधानमन्त्री केपी शर्मा ओलीले राष्ट्रका नाममा सम्बोधन गरेका छन् । प्रधानमन्त्री तथा मन्त्रिपरिषद् कार्यालय सिंहदरबारबाट प्रधानमन्त्री ओलीले आज बिहान ८ बजेदेखि राष्ट्रका नाममा सम्बोधन गरेका हुन् ।

प्रधानमन्त्री ओलीले सबै कुराभन्दा जनताको जीवन पहिलो भएको बताएका छन् । ‘नागरिकको जीवन रहेन भने कुनै पनि कुरा चल्न सक्दैन । उद्योग र विद्यालय केही समय बन्द भए केही समयमै पुनसञ्चालन गर्न सकिन्छ,’ उनले भने ।

ओलीले कोरोना महामारीविरूद्ध सतर्कता र स्वास्थ्य मापदण्ड पालना गर्न आग्रह गरेका छन् । सरकारको सही नीतिले कोरोनाबाट नेपालमा तुलनात्मक रूपमा कम क्षति भएको ओलीले दाबी गरे ।